MULING pinatunayan nina Marlon Stockinger at Pia Wurtzbach na matatag pa rin ang kanilang relasyon.
Ilang beses na kasing nabalita na naghiwalay na ang magdyowa matapos silang i-unfollow ang isa’t isa sa kanilang mga social media account.
At para ibandera ang kanyang pagmamahal kay Pia, nag-post si Marlon ng isang madamdaming birthday message para sa kanyang girlfriend. Isang photo ang ipinost ng Filipino-Swiss racecar driver sa Instagram kung saan makikita na hinahalikan niya ang Pinay Miss Universe.
Nilagyan niya ito ng caption na: “Make her feel like everyday is her birthday. Here’s to many more with you @piawurtzbach more gifts & blessings!”
Pia just turned 28 last Sept. 24. Recently, nag-share ang magkarelasyon ng ilang detalye tungkol sa una nilang pagkikita sa New York last year at ipinost nga nila ito sa kanilang Instagram stories.