ANO kaya ang magiging epek ng latest horror-suspense movie ng Regal Films na “The Debutantes” sa mga kabataang nanga-ngarap makaroon ng bonggang-bonggang 18th birthday celebration?
Siguradong napanood n’yo na rin ang trailer ng pelikula kung saan bibida nga ang limang promising youngstars ngayon sa local showbiz – sina Miles Ocampo, Chanel Morales Sue Ramirez, Jane de Leon at Michelle Vito. I-pinakita rito kung paano naging madugo at marahas at bayolente ang selebrasyon ng isang debut.
In fairness, matagal-tagal na rin tayong hindi nakakapanood ng local teen horror flick kaya tiyak na pipilahan ito ng mga kabataang mahilig sa katatakutan, lalo na ‘yung mga magbabarkada na gustung-gustong magtilian sa loob ng sinehan.
Ang singer-actress at La Luna Sangre star na si Sue Ramirez ang pinakabida sa “The Debutantes.” Sa poster at trailer pa lang kasi ay ang karakter na ni Sue bilang si Kate ang binigyan ng prominence.
Pero ayon sa dalaga, lahat sila ay may highlight sa movie na magmamarka sa manonood, “Malaking break ito hindi lang sa akin, kundi sa amin and to be working with director Prime Cruz. First full length movie ko, kaya sobrang honored ako.
“Dito, na-experience ko ang umiyak for seven hours na tuluy-tuloy, walang putol. Matatakot ang magde-debut sa The Debutantes,” ayon pa kay Sue.
Showing na ito sa sa Oct. 4 at abangan daw ng mga tagasuporta nina Miles, Chanel, Sue, Jane at Michelle ang gagawing gimik nina Mother Lily Monteverde at Roselle Monteverde-Teo ng Regal Films sa gaganaping premiere night ng pelikula.
Speaking of Sue, totoo ba na baliw na baliw daw siya ngayon sa BoybandPH member na si Joao Constancia? “Grabe naman! Hindi naman po nabaliw sa pag-ibig, ang OA naman nu’ng nababaliw. Basta huwag muna, ang daming project, e. Pero happy ako. Basta, yun ang masasabi ko sa nga-yon… hindi po siya pinakamalaking concern sa ngayon.”
Pag-amin pa ng dalaga, “Opo, we’re seeing each other, lumalabas po kami. Pero no pressure, kalma lang, alam naman namin yung priorities namin pareho. Sa ngayon, masaya kaming lumalabas. Mabait siya, caring, very pursigido siya sa mga ginagawa niya.”