ANDREA TORRES AT SOLENN HEUSSAFF
SUNUD-SUNOD na ang mga pasabog sa GMA Telebabad series na Alyas Robin Hood. Matapos lumabas ang karakter ni Solenn Heussaff bilang si Iris, kaabang-abang naman ngayon ang mainit na showdown niya with Venus (Andrea Torres) na siguradong hindi rin magpapatalbog sa action at paseksihan.
Pero ayon kay Solenn, siguradong bagong face-off naman ang mapapanood sa paghaharap nila ni Andrea,
“For sure may ganyan na mangyayari. Siyempre naman si Venus, fiancée siya ni Pepe. Tapos si Pepe, palagi siyang sa tabi ko. So mati-threaten siya, magseselos siya. So tingnan natin kung ano ang mangyayari.”
Isa pa sa tinututukang pasabog ay ang panibagong look o OOTD ni Robin Hood (Dingdong Dantes). Sa inilabas na teaser plug, tila mas matapang ang kanyang look. Mukhang ready na siya uling magpakita para ipagtanggol ang naaapi at tumulong sa nangangailangan.