IED sumabog sa Quezon

Sumabog ang isang improvised explosive device (IED) sa Mulanay, Quezon, nitong Linggo, pero walang naiulat na nasugatan, ayon sa pulisya.

Pinaniniwalaan na sadyang itinanim ang bomba para makapagdulot ng casualty sa mga tropa ng pamahalaan dahil malapit pinangyarihan sa pinagkukunan nila ng tubig, ayon sa ulat ng Calabarzon regional police.

Naganap ang pagsabog dakong alas-9 ng umaga sa isang kalsada sa Sitio Paitan, Brgy. Santa Rosa.

Nakatagpo ng mga piraso ng detonating cord, blasting cap, ammonium nitrate, baterya, at wire sa pinangyarihan, ayon sa ulat.