Balita

Tatlong kongresista ang nag-endorso sa impeachment complaint na inihain laban kay Commission on Elections chairman Andres Bautista kahapon kaugnay ng kanyang tagong yaman.     Inendorso nina House deputy speaker Gwen Garcia, Cavite Rep. Abraham Tolentino at Kabayan Rep. Harry Roque ang reklamo nina dating Negros Oriental Rep. Jacinto Paras at Atty. Ferdinand Topacio.     Betrayal of public trust at culpable violation of the Constitution ang grounds ng inihaing kaso na ibinatay sa alegasyon ng misis ni Patricia na mayroon itong P1 bilyong tagong yaman.     “In her affidavit, Patricia Bautista said she was disclosing “certain information and documents that would show that Andy (Bautista’s nickname) might have had, or currently has, misdealing and corrupt practices while in government service.”       Kasama rin sa reklamo ang hacking ng website ng Commission on Elections noong nakaraang taon na naging banta sa personal data ng mga botante.     “Indisputably, respondent betrayed the public trust for grossly neglecting his duty as head of agency, in that he miserably failed to adopt adequate safeguards mandated under Republic Act No. 10173 or the “Data Privacy Act of 2012”, that could have prevented the leak of personal data of millions of voters or otherwise minimized the damage arising from such breach.”       Sinabi ni Roque na nakakuha siya ng kasiguruhan na tetestigo sa pagdinig si Patricia na mayroon umanong personal na kaalaman sa mga kaso.       Dahil may endorser, ang reklamo ay diringgin ng House committee on justice.       Kung makakukuha ng one-third ng 293 kongresista o 98, ang reklamo ay aakyat sa Senado na siyang magsasagawa ng impeachment trial.