Walang tumama sa P154.8 milyong jackpot ng Ultra Lotto 6/58 at P101.3 milyong jackpot ng Super Lotto 6/49 na magkasunurang binola kagabi.
Ayon sa Philippine Charity Sweepstakes Office walang tumama sa winning number combination na 52-08-27-14-19-53 sa bola ng Ultra Lotto.
Nanalo naman ng tig-P138,620 ang walong mananaya na nakakuha ng limang numerong lumabas. Tig-P1,170 naman ang 752 mananaya na nakaapat na numero at balik ang P20 taya ng 15,264 mananaya na nakatatlong numero.
Ang Ultra Lotto ay binobola tuwing Martes, Biyernes at Linggo. Inaasahang aabot sa P159 milyon sa susunod na bola.
Sa bola naman ng Super Lotto walang tumaya sa winning number combination na 14-18-34-26-24-28.
Nanalo ng tig-P29,720 ang 38 mananaya na nakakuha ng limang numero, tig-P580 naman ang 1,557 mananaya na nakakuha ng apat na numero at balik ang P20 taya ng 24,052 mananaya na nakatatlong numero.
Ang Super Lotto ay binobola tuwing Martes, Huwebes at Linggo.