PALABAS na ngayon ang pelikula nina Alessandra de Rossi at Empoy Marquez at sa ganda ng pelikula, nakaka-proud na maging Pinoy.
Halos mahigit 90 porsiyento ng pelikula ay umiikot sa kwento nina Lea(Alessandra) at (Tonyo) at talagang kahanga-hanga ang dalawang bida sa pelikula.
Sa Japan kinunan ang pelikula at dahil sa galing nina Alessandra at Empoy hindi nakakabagot kahit pa halos sa kanila lang dalawa umiikot ang pelikula.
Sobrang nakakaaliw sina Alessandra at Empoy. Sasakit ang tiyan ng lahat ng manonood dahil sa kanilang normal na mga patawa.
Tiyak kong sa mga nakapanood ng trailer ng pelikula ay pare-pareho ang nasa isip, kung ano ang magiging reaksyon ni Lea sakaling makakita siyang muli.
Medyo may twist ang pelikula na siyempre hindi ko na ikukuwento para panoorin ninyo.
Bukod sa patatawanin kayo, paiiyakin din kayo ng pelikula.
Sa mga nais mainlove at mga hopeless romantic, bagay na bagay sa inyo ang kwento ng pelikula.
Mag-eenjoy din maging ang mga bagets dahil sa sobrang kwela ng pelikula.
Sa iskor na 1 hanggang 10 kung saan 10 ang pinakamataas, bibigyan ko ang pelikula ng 10.
By the way, ito pa lamang ang nabigyan ko ng iskor na 10. Enjoy watching the movie!