P129M jackpot ng Grand Lotto bukas

   

Inaasahang aabot sa P129 milyon ang jackpot prize ng Grand Lotto 6/55 sa bola bukas ng gabi.

    Ayon kay Alexander Balutan, general manager ng Philippine Charity Sweepstakes Office, walang tumama sa P124.5 milyong jackpot prize sa pinakahuling bola kung saan lumabas ang winning number combination na 28-23-36-49-43-19.

    Umabot sa P25.8 milyon ang itinaya sa naturang bola.

    Nanalo naman ng tig-P92,240 ang 14 mananaya na nakakuha ng lima sa lumabas na numero.

    Tig-P1,550 naman ang 664 mananaya na nakaapat na numero at balik ang P20 taya ng 14,338 mananaya na nakatatlong numero.

    Ang Grand Lotto ay binobola tuwing Lunes, Miyerkules at Sabado.