P115M jackpot ng Grand Lotto

 

Inaasahang aabot sa P115 milyon ang jackpot prize ng Grand Lotto 6/55 sa bola bukas ng gabi.

    Ito ay matapos na hindi tamaan ang P100.3 milyong jackpot ng Grand Lotto sa bola noong Sabado ng gabi.

    Lumabas sa naturang bola ang winning number combination na 38-40-25-52-26-03. Umabot sa P23.2 milyon ang halaga ng itinaya sa naturang bola.

    Nanalo naman ng tig-P200,000 ang apat na mananaya na nakalimang numero.

    Tig-P2,070 naman ang tinamaan ng 448 mananaya na nakakuha ng apat na numero. Balik naman ang P20 taya ng 11,711 mananaya na nakatatlong numero.

    Ang Grand Lotto ay binobola tuwing Lunes, Miyerkules at Sabado.