PAPALAPIT na ang judgment day sa apat na boys ng Meant To Be (sina Ken Chan, Jak Roberto, Addy Raj at Ivan Dorschner) para malaman kung sino sa kanila ang ka-meant to be sa finals ni Barbie Forteza.
Tapos na ang voting on-line ng mga fans. Nagpasalamat na nga si Jak sa 420,000 netizens na bumoto sa kanya para makatuluyan ni Barbie sa finale ng MTB.
Walang post sina Ken, Ivan at Addy kung ilang boto ang nakuha nila mula sa mga netizens. May tsismis nga lang na sa latest tally, si Ivan ang nakakaungos sa apat, huh!
Of course, hindi lang boto ng fans ang basehan ng magiging last man standing sa piling ni Barbie, huh! Wait pa rin naman sa desisyon ng GMA management kung sino ang winner sa puso ni Billie (Barbie).
Bukas, may nanalo na sa puso ni Billie!
Samantala, sa isang interview naman kay Barbie, meron siyang hiling sa mga tumutok sa kanilang serye, “Sana hindi ako matandaan ng tao bilang malanding tao na may apat na manliligaw.
“Sana maalala ako bilang versatile actress na kayang magdala ng apat na love teams,” pakiusap pa ng Kapuso Drama Princess.