ANG bongga talaga ng TV host-comedian na si Paolo Ballesteros! Para sa amin siya pa rin ang nag-iisang Make-Up Transformation King/Queen sa buong mundo!
Nakarating na kasi kay Hollywood star Gal Gadot ang video na ginawa ni Paolo kung saan nag-transform siya bilang Wonder Woman. Talagang ni-retweet pa ni Gal Gadot ang nasabing video kaya mas dumami pa ang nakapanood nito all over the world.
Sey pa ni Wonder Woman, “Wow! This is incredible! Bravo! #WonderWoman.”
Nang mabasa naman ni Paolo ang komento ng international actress, agad siyang nag-reply ng “Wow!” na may maraming-maraming emojis.
Hindi lang mga Pinoy at si Gal ang na-amaze sa ginawang Wonder Woman transformation ni Paolo kundi maging ang mga netizens mula sa iba’t ibang bahagi ng mundo.