Internet sa PH bibilis simula Setyembre 16, 2017

NANGAKO ang mga telecommunications company na bibilis na ang internet sa bansa simula Setyembre 16, 2017, sa harap naman ng napakabagal na internet speed sa Pilipinas. Sa isang briefing sa Malacanang, sinabi ni Department of Information and Communicatins (DICT) Secretary Rodolfo Salalima na ito ang ibinigay na target ng mga kompanya ng cell phone partikular ang Smart Communications and Globe Telecom. “I asked them during the Summit. They promised me, September 16. I will simply follow it up and hope that by September 16, we have a fast Internet as what we did in EDSA,” sabi ni Salalima. Ito’y matapos namang ipatupad ang libreng wifi sa kahabaan ng Edsa simula noong Hunyo 12, na itinapat sa ika-119 anibersaryo ng Araw ng Kalayaan. “We want to replicate what happened in that project and I want to employ it throughout the country. Even as now, I have a pending draft of an executive order with the Office of the President limiting the time with which the LGUs and local — other local government agencies has to act on the permits ng mga telcos for the purpose of installing and operating the services,” dagdag ni Salalima. Idinagdag ni Salalima na ito ang nakikita niyang solusyon para mapabilis ang internet sa bansa. “I tell you a very practical solution. Ito pong Vietnam, they have 70,000 cell sites. Iyong mobile nila was established, commercialized only after the Philippines,” ayon pa kay Salalima. Sinabi pa ni Salalima na sa kasalukuyan meron lamang kabuuang 16,000 cell sites sa Pilipinas. “Public service cannot wait, you have to issue your permit in 9 days time, beyond which, you will suffer the wrath of government. They are moving. But I feel that with the executive order, they will move faster than what I ordered them,” ayon pa kay Salalima.