Kathryn Bernardo
IF ONLY for its mission to provide jobs ay inani ni Kathryn Bernardo ang aming paghanga.
Kabubukas pa lang ng kanyang KathNails (katunog ng loveteam nila ni Daniel Padilla na KathNiel) sa The Block at SM North Edsa pero open na ito agad sa mga gustong magkaroon ng franchise.
But this is not the admirable part. Kasalukuyan na rin kasing naghahananap ang naturang nail salon ng mga tauhan tulad ng nail technicians at iba pang staff na isasailalim nila sa masusing training.
A glam biz tulad ng KathNails ay mabenta sa mga taong maalaga sa kanilang katawan. Vain na kung vain pero bahagi lang ito ng good grooming na hindi lang para sa mga kababayan nating mas nakakaginhawa sa buhay.
Sabi nga natin, importanteng malinis ang ating mga kuko, mapa-kamay o paa. Sa mga kuko kasi natin nasasalamin kung maging sa mga tagong bahagi ng ating katawan ay bitbit natin ang kalinisan.
Aanhin mo ang pagkaganda-gandang mukha kung puwede nang pagtamnan ng kamote ang mga kuko mo?
Ayaw ng isang dating sikat na PBA player ng ganyan, na nang magbisyo’t napabayaan ang itsura’y puwede nang magkaroon ng sariling titulo ng lupa ang kanyang mga nanggigitatang kuko!
To Kathryn, you literally nailed it!