Pinaghahanap ng mga otoridad ang dalawang turistang Hapon na naiulat na nawala habang naga-island hopping sa Coron, Palawan, ayon sa pulisya.
Naiulat ang pagkawala nina Itani Masaru, 59; at Arai Yoshihiro, 24, alas-3 ng hapon Miyerkules, sabi ni Supt. Imelda Tolentino, tagapagsalita ng MIMAROPA regional police.
Umalis ang dalawa sa kanilang hotel sa Brgy. 2 dakong alas-11 ng umaga Martes para mag-island hopping pero mula noo’y di pa bumabalik, aniya.
Nakipag-ugnayan na ang lokal na pulisya sa iba pang ahensiya ng pamahalaan para matunton ang mga banyaga.
MOST READ
LATEST STORIES