Regine dyosang-dyosa sa Mulawin vs Ravena

EXCITED naman si Asia’s Songbird Regine Velasquez sa kanyang first ever fantasy series sa GMA 7.

Actually daw, matagal na niyang gustong mag-guest sa Encantadia dahil isa rin daw siya sa napakaraming Encantadiks.

Kaya nang i-offer sa kanya ang karakter ni Sandawa, ang goddess of nature sa Mulawin vs Ravena, hindi na raw siya nagpatumpik-tumpik pa.

Aniya, “Malaki ang role pero hindi siya kailangan araw-araw kaya okay lang. Kumbaga, hindi ganu’n kabigat ang taping. And I’m sure, magugustuhan din ito ni Nate kaya pampamilya talaga!”