SUSPENDIDO ang pasok sa Metro Manila para sa pribado at pampublikong tanggapan sa Abril 28 (Biyernes) para sa pagdaraos ng Association of Southeast Nation (ASEAN) Summit sa bansa.
Ipinalabas ng Palasyo ang Memorandum Circular number 18 kung saan idineklara rin nitong suspendido ang pasok sa lahat ng tanggapan ng gobyerno sa Maynila, Makati at Pasay City sa Abril 27 (Huwebes).
“Further, classes in public and private educational institution at all levels in Metro Manila are also suspended on April 28, 2017, while the suspension of classes in the cities of Pasay, Makati and Manila on Abril 27 shall be left to the discretion of their respective heads,” sabi ni Executice Secretary Salvador Medialdea sa ipinalabas na Memorandum Circular.
Idinagdag ni Medialdea na nasa desisyon na rin ng mga LGUs at pribadong tanggapan kung idedeklara pa ring suspendido ang pasok sa Abril 29.
MOST READ
LATEST STORIES