BINIRO ni Pangulong Duterte na ipakukulong muli si dating Pangulo at ngayon ay Manila Mayor Joseph “Erap” Estrada, na nagdiwang ng kanyang ika-80 kaarawan kahapon.
“But for those there in the… Alam mo, ito… Before I — it’s 8 o’clock. Si Erap, naghihintay na ‘yung buang. Birthday niya ngayon e,” sabi ni Duterte sa kanyang talumpati nang dumalo sa Cine Lokal grand launch sa Pasay City.
Matatandaang nakulong si Estrada dahil sa kasong plunder bagamat binigyan ng pardon ni dating Pangulo at ngayon ay Pampang Rep. Gloria Macapagal-Arroyo.
“Sabi niya, ‘Punta ka talaga ha kasi…?’ Tapos noon sabi niya, ‘Wala ‘yan si Duterte. Ano ‘yan, low class lang ‘yan. Ano ‘yang style niya pag ka ano..’ Ngayon, t*** i** ibalik kita sa kulungan,” biro pa ni Duterte.
Dumalo ang Pangulo sa kaarawan ni Estrada noong Miyerkules ng gabi kung saan dumalo rin sina Arroyo, dating First Lady at ngayon ay Ilocos Norte Rep. Imelda Marcos at si dating vice president Jejomar Binay.