SINABI ni Philippine National Police (PNP) Chief Director General Ronald “Bato” dela Rosa na naging mapayapa sa pangkalahatan ang paggunita ng Mahal Na Araw sa kabila ng nangyaring bakbakan sa pagitan ng mga tropa ng gobyerno at mga miyembro ng teroristang grupong Abu Sayyaf sa Bohol.
Sa kanyang mensahe para sa Araw ng Pagkabuhay, tiniyak ni dela Rosa sa publiko na patuloy na ipinapatupad ang seguridad para matiyak ang kaligtasan ng mga pasahero na pabalik mula sa kanila-kanilang probinsiya.
“Police security forces remain in their posts to provide assistance and public safety services to travelers returning to their homes in the urban centers,” sabi ni dela Rosa.
Pinuri rin ni dela Rosa ang militar at pulis sa matagumpay na pagpigil sa pagtatangka ng Abu Sayyaf, kasama na ang pagpatay sa subcommander na si Abu Rami.
“Earlier on Holy Tuesday, military and police security forces successfully thwarted an attempt by terrorist elements to disrupt an otherwise peaceful and meaningful observance of Holy Week in Bohol. Elsewhere across the country, PNP and AFP troops continued to implement rigid security measures in transport terminal, convergence areas and places of worship to maintain order and security,” ayon pa ka dela Rosa. Inquirer.net