(Update 2) Ilang bahagi ng Metro Manila, karatig probinsiya nilindol

BAGO mag-alas-9 ng gabi Martes, niyanig ng lindol ang ilang bahagi ng Metro Manila at ilang karatig probinsiya.

Ayon sa Philippine Institute of Volcanology and Seismology,  naitala ang 5.4 magnitude na lindol sa Tingloy, Batangas, alas-8:58 ng gabi.

Naramdaman ang pagyanig  sa Makati, Quezon City, Maynila, Pasig at Laguna.

Naramdaman din ito sa Cavite at Quezon, base na rin sa mga ipinadalang tweet at message sa Facebook ng ilang followers.

Intensity 4:  Makati; Obando, Bulacan

Intensity 3:  Mandaluyong City; Quezon City; General Trias at Dasmarinas, Cavite; Sta. Ana, Manila; Lucena City, Quezon

Intensity 2:  Talisay, Batangas; Pasig City