Vice Ganda ‘gigisahin’ sa Kamara

IPATATAWAG sa Kamara de Representantes si Vice Ganda dahil sa umano’y hindi nakakatawang joke niya tungkol sa rape sa kanyang concert noong nakarang buwan.
Kahapon ay inihain nina Gabriela Rep. Luz Ilagan at Emmi de Jesus ang House Resolution 3054 bagamat hindi na makapagsasagawa ng pagdinig ng mga komite ng Mababang Kapulungan bunsod ng kakulangan sa oras.
Sinabi naman ng dalawa na muli nilang ihahain ang resolusyon sa pagbubukas ng 16th Congress sa Hulyo upang maimbestigahan si Vice Ganda.
“Whereas, the public apology of Vice Ganda is not the end of it all. For victims of rape and other forms of violence against women, the joke has serious causes that are bigger and deeper than bad spiel-making and should be socially addressed beyond public apology,” saad ng resolusyon.
Sinabi ni Vice Ganda sa kanyang concert na kakailanganin ng gang rape scene kung magiging bold star ang TV journalist na si Jessica Soho.
“Whereas, media and entertainment celebrities/personalities are people of real and potential public influence. In their own right, they can shape public opinion and behavior of the people in our country,” dagdag pa ng resolusyon. “Whereas, one way through which Philippine society can change its anti-women views and attitude toward rape victims is to hold media and entertainment celebrities/personalities to the highest standards of responsibility.”