Stonefish bininyagan na

PORMAL nang nabinyagan ang bagong silang na apo ni Pangulong Duterte na si Stonefish alas-10 ng umaga kahapon sa St. Francis of Assisi Parish sa Maa, Davao City kung saan dumalo ang presidente. Ayon sa tanggapan ni Davao City Mayor Sara Duterte naging pribado ang okasyon kung saan tanging mga miyembro lamang ng pamilya Duterte at Carpio at mga tumayong ninong at ninang ang dumalo para sa binyag ni Marko Digong Duterte Carpio na mas kilala bilang Stonefish. Idinagdag ng opisina ni Mayor Inday na kabilang sa mga tumayong ninong ay sina dating pangulo at ngayon ay Manila Mayor Joseph Estrada,  mga kapatid na sina Davao City Vice Mayor Paolo Duterte, Sebastian “Baste” Duterte, Waldo Carpio, Cyril Marasigan, Neil Canedo, Jacob Soriano, Charlie Tan, Elijah Manuel Pepito, Joy Lamanosa, Orlando Basilio Jr., Aaron Velasco, Joseph Estrada,  Jefry Tupas, at Brian William Uy. Ninang naman sina Janette Velasco, Darlyne Rubio, Mayjoy Ramos, Charo Rejuso-Munsayac, at Joyce Domingo-Dapat.