PAGKATAPOS ng seryeng Till I Met You nina James Reid at Nadine Lustre ay wala pa kaming naririnig kung may follow-up project na sila sa ABS-CBN. Maging sa pelikula ay wala rin daw bagong ibinibigay ang Viva Films.
Ang worst na kuwento ng aming source ay pagpapahingahin daw muna ang JaDine para makapagmuni-muni kung saan sila nagkamali, balitang bumaba na raw ang popularidad nina James at Nadine.
Nawala na raw ang init ng JaDine loveteam hindi katulad noong nagsisimula palang sila sa pelikula.
Tsika ng aming source, “Lagi kasing may mga dahilan kapag may promo tour sila rati, ‘yun pala magkikita lang sila o may date. Nakakaapekto kasi iyon, dapat pinagbubuti nila ang trabaho nila habang mainit sila, e, hayan, anong nangyari?”
Si Nadine ang binanggit ng aming source na malaki ang ipinagbago simula nu’ng sumikat sila nang husto sa mga seryeng On The Wings of Love at Till I Met You.
Kaya ang pagpunta ng JaDine sa Amerika ngayong Abril para sa series of shows nila ang magiging gauge kung hot item pa sila o kailangan muna nilang mamahinga.
“Ang nakakatakot lang pag pinagpahinga sila, makakabalik pa kaya, e, ang dami-daming nagsusulputang bagong loveteams ngayon,” katwiran sa amin ng source.
Naku, kailangang bigyan ng maraming raket si James dahil malaki ang binabayaran nitong monthly amortization sa bahay na binili niya para sa kanyang pamilya.
MOST READ
LATEST STORIES