DavOcc niyanig ng magnitude 4.7 lindol

Niyanig ng lindol na may lakas na magnitude 4.7 ang Davao Occidental kahapon.
Ayon sa Philippine Institute of Volcanology and Seismology naramdaman ang lindol ala-1:31 ng hapon.
Ang sentro nito ay 259 kilometro sa silangan ng Sarangani at may lalim na 72 kilometro. Ito ay sanhi ng paggalaw ng tectonic plate sa lugar.
Dahil ang sentro nito ay nasa dagat, walang inaasahang pinsala ang lindol. Wala rin umanong inaasahang aftershock ang Phivolcs.