May bago na raw lalaking nagpapasaya ngayon kay Cristine Reyes, sabi mismo ng kaibigan naming hindi kunektado sa showbiz.
Tanong ng kaibigan namin, may binanggit na raw ba si Cristine sa interviews niya na may nagpapatibok na uli ng kanyang puso, isang gym instructor daw ito na nagtuturo sa kanya.
Sweety-sweety daw ang dalawa at nakikita silang lumalabas din.
Pero heto na ang tsika bossing Ervin, ang guy na nagpapasaya raw ngayon sa aktres ay may sabit dahil may dalawa raw itong anak sa live-in partner niya.
Hindi lang sure ng aming kaibigang hindi taga-showbiz kung alam ito ni AA (palayaw ni Cristine).
Unless hiwalay na ang nasabing lalaki sa live-in partner niya, posibleng wala nang sabit at pwedeng-pwede na silang magkaroon ng relasyon.
E, paano ang dalawang bagets, magiging obligasyon niya iyon sakaling magkatuluyan nga sila.
Ang tanong, type ba ni Cristine ang magkaroon ng instant babies at maging instant mommy?