Mga Laro Ngayon
(Filoil Flying V Centre)
8 a.m. NU vs Adamson (men)
10 a.m. Ateneo vs FEU (men)
2 p.m. NU vs Adamson (women)
4 p.m. Ateneo vs FEU (women)
PINATAHIMIK ng nagtatanggol na kampeong De La Salle University Lady Spikers ang University of Santo Tomas Tigresses sa apat na set, 25-23, 16-25, 25-14, 25-22, upang makasalo sa liderato sa University of Philippines at National University sa UAAP Season 79 women’s volleyball tournament Sabado sa Filoil Flying V Centre, San Juan City.
Kinolekta ng Lady Spikers ang ikalawang sunod na panalo upang samahan sa liderato ang walang larong NU Lady Bulldogs at ang UP Lady Maroons na una naman binigo ang University of the East sa loob lamang ng tatlong diretsong set, 25-16, 26-24, 25-19.
Sa men’s division ay nagwagi ang UP kontra UE, 25-15, 25-21, 23-25, 25-16, habang tinalo ng UST ang La Salle, 25-19, 22-25, 25-22, 18-25, 15-12.