IVAN DORSCHNER, KEN CHAN, BARBIE FORTEZA, JAK ROBERTO AT ADDY RAJ
PANGHIMAGAS sa gabi ang apat na leading men ni Barbie Forteza sa Meant To Be. Tapos na kasi ang dinner sa telecast nito kaya ginagawa na lang dessert ng viewers sina Ken Chan, Jak Roberto, Ivan Dorschner at Addy Raj.
Kalat na kasi ngayon sa social media ang hubad na katawan ng mga Kapuso leading man. Ang kikinis, di ba? Pormadung-pormado pa ang katawan.
No wonder, inaabangan gabi-gabi ang pasabog na ipakikita ng apat matapos nilang magdispley ng kani-kanilang pandesal! Hindi kasi nakakaumay titigan ang flawless complexion nila, huh!
Kaya ang daming nainggit ngayon kay Barbie dahil solung-solo niya ang apat niyang boys!
Bukas, Lunes, hindi lang bagong kilig ang hatid ng MTB. Maging ang pre-programming nitong Encantadia at Alyas Robin Hood ay maraming isasambulat na mga pasabog na eksena.