P104M jackpot ng Grand Lotto

Inaasahang umabot sa P104 milyon ang jackpot prize ng Grand Lotto 6/55 sa bola bukas ng gabi (Miyerkules).
Ayon sa Philippine Charity Sweepstakes Office walang tumaya sa winning number combination na 11-49-24-01-43-50.
Umabot sa P98 milyon ang jackpot prize ng Grand Lotto sa bola noong Lunes, ayon kay Alexander Balutan, general manager ng PCSO.
Nanalo naman ng tig-P200,000 ang apat na mananaya na nakakuha ng limang numero. Tig-P2,260 naman ang 361 mananaya na nakaapat na numero.
Balik naman ang P20 taya ng 10,009 mananaya na nakatatlong numero.
Ang Grand Lotto ay binobola tuwing Lunes, Miyerkules at Sabado.