Pinayagan ng Sandiganbayan Fifth Division si dating Sen. Jinggoy Estrada na makalabas ng kulungan upang maipasuri ang pananakit ng kanyang kaliwang tuhod.
Inaprubahan ang mosyon ni Estrada sa pagdinig ng korte kahapon. Si Estrada ay sinuri ni Dr. Jose Syquia sa kanyang detention center sa Philippine National Police Custodial Center sa Camp Crame, Quezon City.
“Upon examination, accused was noted to have patella femoral pain syndrome,” saad ng mosyon ni Estrada. “The same pain is still currently felt despite rest and medications. As recommended by Dr. Syquia, if there be no improvement, accused should undergo X-Ray and MRI of his left knee in order to further evaluate his condition.”
Hiniling ni Estrada na isagawa ang MRI at X-Ray sa Cardinal Santos Medical Center sa lalong madaling panahon. Tinitignan naman ng kampo ni Estrada kung maaaring isagawa ang MRI at X-Ray ngayong araw.
Ilang beses ng pinayagan ng korte si Estrada na makalabas upang makapagpagamot.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.