Kate Valdez susunod sa yapak ni Glaiza bilang palabang bida-kontrabida

FINALLY, isang bonggang transformation ang ginawa sa karakter ng Kapuso youngstar na si Kate Valdez sa GMA Telebabad series na Encantadia after 24 Oras.

Ipinakita na kasi siya bilang si Mira na naka-warrior costume. Maraming netizens ang natuwa dahil tila magkahawig na magkahawig sila ng kanyang ina na si Pirena, na ginagampanan ng Kapuso actress na si Glaiza de Castro.

Kuhang-kuha rin daw ni Kate ang mga pailalim at palabang tingin ni Glaiza na talagang nakakasindak.

Mukhang alam na rin ng Encantadiks kung saan pupunta ang career ng magaling na aktres. Komento nga ng isang follower ni Kate sa social media, “Good job, Kate! Way to go!!! Break a leg! Ikaw na ang susunod sa yapak ng ina mong si Pirena!”