Final Four target ng Lady Pirates

Mga Laro Ngayon (Filoil Flying V Center) 8:30 a.m. EAC vs LPU (juniors) 10 a.m. EAC vs LPU (men’s) 11:30 a.m. EAC vs LPU (women’s) 1 p.m. AU vs JRU (women’s) 2:30 p.m. AU vs JRU (men’s) SA limang taong paglalaro nito sa NCAA women’s volleyball ay hindi pa nakakapasok sa Final Four ang Lyceum of the Philippines University, na nanalo ng pinakamaraming kampeonato sa Women’s NCAA bago ito lumipat sa NCAA. Gayunman, maaaring maisasakatuparan ngayon ang misyon ng Lady Pirates na makausad sa semifinal round sa pagsagupa nito sa wala pang panalong Emilio Aguinaldo College sa Filoil Flying V Center sa San Juan City.

Kasalukuyang nasa ikatlong puwesto ang Lyceum katabla ang Arellano University at kung g magwagi ito sa laro ngayong alas-11:30 ng umaga kontra EAC ay makakasalo nito sa ikalawang puwesto ang College of St. Benilde (5-1) at lalapit sa nangungunang San Sebastian College (6-0). Maganda ang ipiapakita ang Lady Pirates sa season na ito matapos magtala ng apat na panalo sa loob ng limang laro na tampok ang 25-22, 24-26, 25-18, 20-25, 15-10 upset win kontra sa nagtatanggol na kampeong St. Benilde Lady Blazers noong Disyembre 6. “With more hardwork, we hope to achieve our goal of making the Final Four this year,” sabi ni LPU coach Emil Lontoc. Muling aasahan ng Lyceum si Cherilyn Jhane Sindayen na nasa ikalimang puwesto sa overall scoring list sa average na 14.8 hits kada laro. Nangunguna pa rin sa scoring ng liga sina 2015 Finals MVP Jeanette Panaga ng St. Benilde at reigning back-to-back MVP Grethcel Soltones ng San Sebastian. —Angelito Oredo