MAAGA na pinasaya at nakihalo sa pag-oobserba ng ika-120th Rizal Day ang Philippine Sports Commission (PSC) sa pagsasagawa ng family-oriented at community physical fitness development program nito na Laro’t-Saya sa Parke, Play ‘N Learn sa Burnham Green sa Luneta Park.
Maagang sinimulan ng PSC Laro’t-Saya ang mga itinakdang aktibidad sa paggunita nito sa araw ng kamatayan ng bayani na si Gat Jose Rizal kung saan dinaluhan mismo ni Pangulong Rodrigo Duterte ang pagtataas sa pinakamalaking bandila sa bansa bago nito sinundan ng pag-aalay ng bulaklak sa himlayan nito.
Pinasaya muna ng mga instructor ng popular na Zumba ang mga tagasunod ng programa na sinaluhan na rin ng mga namamasyal at nagsisipanood sa aktibidad habang ginaganap din ang dati nang isinagawang mga laro na volleyball, football at badminton.
Umabot naman sa kabuuang 159 katao ang nagsisali sa nasabing aktibidad kung saan lumahok ang mga ito sa badminton (13), football (34), volleyball (12) at Zumba (96).