P3.6 bilyong halaga ng shabu nakumpiska sa San Juan

Nakumpiska at tinatayang P3.6 bilyong halaga ng shabu sa San Juan ngayong hapon, ayon sa ulat ng DZMM.

Ayon sa ulat, aabot sa 100 bag na naglalaman ng anim hanggang 10 kilo ng shabu kada bag ang nadiskubre sa isang bahay sa Mangga st. sa San Juan.

Tinatayang aabot sa P6 milyon ang halaga ng shabu kada kilo, ayon sa National Bureau of Investigation (NBI).

Naaresto naman ang dalawang pinaghihinalaang Chinese o Taiwanese national sa isinagawang operasyon.
Patuloy ang isinasagawang operasyon ng NBI para makilala ang mga suspek.