GABBI GARCIA AT RURU MADRID
HEART breaking man ang naging eksena nina Alena at Ybarro sa fantseryeng Encantadia ng GMA 7 recently na nagpaiyak sa maraming Kapuso viewers, bumawi pa rin sina Gabbi Garcia at Ruru Madrid sa kanilang GabRu fans.
Pinawi ng dalawang Kapuso stars ang lungkot ng kanilang mga tagahanga matapos mapanood ang mga huling eksena nila sa Encantadia na napapanood pa rin sa GMA Telebabad.
Nangako kasi ang rumored couple na hindi raw sila magle-let go sa isa’t isa. Sinabi nila ito sa isang sweet na cover ng kanta ni James Arthur na “Say You Won’t Let Go” na kanilang ipinost sa kani-kanilang social media accounts.
In fairness, tuwang-tuwa ang kanilang mga fans nang makita ang kanilang mga post sa social media.
Napawi ang mga luhang ibinuhos ng mga Encantadiks dahil as of writing, may 250,000 Facebook views na ito—patunay na parami nang parami pa rin ang hindi rin magle-let go sa kanila.