Poe sinabing dapat magpaliwanag si  De Lima kung  bakit namayagpag ang droga sa kanyang termino sa DOJ

SINABI ni Sen. Grace Poe na dapat magpaliwanag si Sen. Leila de Lima kung bakit namayagpag ang droga sa ilalim ng kanyang panunungkulan bilang kalihim ng Department of Justice (DOJ).

Idinagdag ni Poe na naging talamak ang iligal na droga hindi lamang sa New Bilibid Prisons (NBP) kundi sa iba pang bahagi ng bansa nang si de Lima pa ang nakaupo sa DOJ.

“I think it’s just right that she accounts for this and answers the allegations against her,” sabi ni Poe sa panayam ng Headstart.

Idinagdag ni Poe  na mahirap na dedmahin ang mga alegasyon laban kay de Lima dahil sa mga testimonya mula sa mga testigo kaugnay ng kanyang pagkakadawit sa iligal na droga.

“It’s quite tough for her to be able to take a case against some of the allegations but let’s give her a chance. I don’t want to pass judgment right away,” sabi ni Poe.

Ito’y sa harap na rin ng testimonya ng dating boyfriend ni de Lima na si Ronnie Dayan at ng drug lord na si Kerwin Espinosa kung saan idinawit siya sa droga.

“But as I said, it was during her time when she was DOJ secretary that a lot of these drug problems actually flourished so at least for that particular issue she has to be able to explain why that was so,” ayon pa kay Poe. Inquirer.net