Horoscope, December 18, 2016

Para sa may kaarawan ngayon: Wag isiping nagkaka-edad ka na! Alalahaning marami ka pang magagawa upang umunlad ang kabuhayan – umpisahan mo na ngayon. Sa pag-ibig: “Ang pusong nagmamahal, laging bata ang pakiramdam!” Mapalad ang 9, 15, 27, 33, 42 at 49. Mahiwaga mong mantra: “Aum-Savitre-Om.” Pink at blue ang buenas.
Aries – (Marso 21-April 19) — Hindi dapat makipagtalo sapagkat sa pamamagitan ng diplomasya, mas malaking halaga ang kikitain. Sa pag-ibig, gamitan ng lambing at haplos ang minamahal upang muli uminit ang suyuan. Mapalad ang 1, 4, 19, 28, 37 at 49. Mahiwaga mong mantra: “Aum-Egosum-Om-Obre.” Orange at blue ang buenas.
Taurus – (April 20-May 20) — Wag magtiwala sa isang taong madakdak at makuwento – uutangan ka lang nya! Sa pag-ibig, mas masarap karelasyon ang mga mapapayat, mahaba at mataba ang kanilang pasensya. Mapalad ang 6, 18, 27, 36, 42 at 45. Mahiwaga mong mantra: “Aum-Araanam-Om.” Blue at green ang buenas.
Gemini – (May 21-June 21) — Alalahaning malungkot ang pasko kapag kapos ang pera! Ngayon pa lang unti-unti ka ng magtipid. Sa pag-ibig, iplano n’yo na ng iyong kasuyo ang isang simple, pero masayang pagdriwang ng kapaskuhan. Mapalad ang 6, 15, 25, 34, 46 at 49. Mahiwaga mong mantra: “Aum-Mimu-Soph-Om.” Lilac at purple ang buenas.
Cancer – (June 22- July 22) — Huwag masyadong malihim, ibunyag ang nilalaman ng puso bago maunahan ng iba. Sa pinansyal, ilihim sa kasuyo ang mga naiipon mong pera upang ito ay lalo pang dumami. Malad ang 1, 20, 29, 33, 44 at 48. Mahiwaga mong mantra: “Agla-Aum-Aum.” Green at red ang buenas.
Leo – (July 23 – August 22) — Wag mainggit, sapagkat may kakayahan ka ring paunlarin ang iyong sarili. Sa pag-ibig, wag asahan ang kasuyong walang pangarap sa buhay. Ikaw ang dapat na kumilos. Mapalad ang 6, 13, 27, 35, 42 at 48. Mahiwaga mong mantra: “Aum-Mandala-Om.” Pink at magenta ang buenas.
Virgo – (August 23 – September 22) — Kahit gustong-gusto mo ng mamili ng mga pang-regalo sa Pasko wag mo munang gawin. Mag-isip ng pinaka-tipid na pangregalo ngayong Pasko! Sanayin ang pamilya sa mga mumurahin pero masustansya namang pagkain. Mapalad ang 5, 10, 23, 27, 34 at 45. Mahiwaga mong mantra: “Aum-Dominum-Om-Factum.” Silver at gold ang buenas.
Libra – (September 23-October 23) — Huwag masyadong maging maluho, lalo na ngayong Pasko! Tandaang mahirap kitain ang pera! Sa pag-ibig, tuloy ang masarap na pakikipag-relasyon sa isang Aquarius na malaki ang tiyan. Mapalad ang 5, 15, 23, 32, 41 at 47. Mahiwaga mong mantra: “Aun-Vedanta-Om.” Silver at red ang buenas.
Scorpio – (October 24 – November 21) — Hindi dapat hanapin ang kaligayahan sa mga bagay na materyal. Mag-ipon lang ng sapat para sa kinabukasan. Sa pag-ibig, higit na payapa ang isip ng may simple at sama-samang pamilya kaysa sa pagiging ubod ng yaman. Mapalad ang 7, 19, 25, 34, 43 at 47. Mahiwaga mong mantra: “Aum-Agne-Manu-Om.” Silver at pink ang buenas.
Sagittarius – (November 22 – December 21) — Hindi ka tatanda kung palagi kang masaya. Ngitian ang mga kausap upang dumami ang benta. Sa pag-ibig, higit na sasarap ang romansa kung hahaluan ng harutan at kilitian ang lambingan. Mapalad ang 4, 16, 22, 31, 44 at 48. Mahiwaga mong mantra: “Aum-Krato-Aum-Joviyo.” Green at purple ang buenas.
Capricorn – (December 22 – January 19) — Upang pumasok ang maraming pera, tandaang bawal ang magalit. Sa pag-ibig, maging mahinahon upang mapanatili ang masarap na relasyon. Mapalad ang 3, 18, 24, 27, 33 at 42. Mahiwaga mong mantra: “Agla-Aum-Aum.” Pink at orange ang buenas.
Aquarius – (January 20 – February 18) — Naramdaman kasi nila na marami kang pera, kaya madalas kang mautangan! Tama ang iniisip mo, pagtaguan mo sila dahil hindi naman sila marunong magbayad! Sa pag-ibig, ngayon pa lang paglaanan na nang budget ang masayang Pasko na sama-sama ang pamilya. Mapalad ang 7, 13, 23, 29, 31 at 43. Mahiwaga mong mantra: “Yod-He-Vah-Weh.” Green at yellow ang buenas.
Pisces – (February 19 – March 20) — Hindi dapat kainipan ang magandang kapalaran, kusang darating yan! Sa susunod na taong 2017, magsisimula ng dumami ng dumami ang iyong salapi. Sa pag-ibig, inip ng naghihintay ang isang Cancer pagbigyan mo na siya. Mapalad ang 7, 16, 21, 39, 41 at 48. Mahiwaga mong mantra: “Om-Tetra-Aum-Malka.” Green at silver ang buenas.