Jackpot ng Ultra lotto lalapit sa P100M mark

Lalapit sa P100 million mark ang jackpot prize ng Ultra Lotto 6/58.
Ito ay matapos na walang tumama sa P85.6 milyong jackpot prize sa bola noong Linggo ng gabi, ayon sa Philippine Charity Sweepstakes Office.
Ang lumabas na winning number combination ay 44-33-5-52-50-58.
Nanalo naman ng tig-P168,830 ang limang mananaya na nakakuha ng limang numero. Tig-P3,140 naman ang 215 mananaya na nakaapat na numero at balik ang P20 taya ng 5,430 mananaya na nakatatlong numero.
Kung tatamaan, ang jackpot prize ng Ultra Lotto ay babalik sa P50 milyon.
Ang Ultra Lotto ay binobola tuwing Biyernes at Linggo. Nagkakahalaga ng P20 ang taya sa bawat anim na numerong kumbinasyon.