ISANG mainit na pagtanggap ang ibinigay ng mga Pinoy sa ilang Miss Universe candidates sa ginanap na kick-off ceremonies sa Mason Mall, Conrad Hotel sa Mall of Asia last Saturday.
Nagsilbing host ng event sina Benjamin Alves at dating Miss Universe finalist Shamcey Supsup sa naturan event. Maagang dumating sa Pilipinas ang ilan sa mga Miss Universe candidates para sa 5-day special events na gaganapin sa iba’t ibang bahagi ng Pilipinas.
Bago magsimula ang program proper, isang sing and dance, magic at violin performance ang inihandog ng ilang performers sa audience. Nag-perform din ang magaling na young violinist na si Jake Juleous Gacang, na naging special guest na sa #ShowbizLive program nina Ervin Santiago at Izel Abanilla sa Inquirer Radio & TV.
Nag-speech din sina Miss Universe Organization president Paula Shugart, Gov. Chavit Singson at Department of Tourism Sec. Wanda Corazon Teo. Pagkatapos nito ay isa-isa nang rumampa ang mga Miss U candidates.
Present sina Miss USA Deshauna Barbers, Miss China Li Zhenying, Miss Japan Sari Nakazawa, Miss Australia Caris Emily Tiivel, Miss New Zealand Tania Pauline Dawson, Miss Korea Jenny Kim, Miss Thailand Chalita Suansane, Miss Malaysia Kiran Jassal, Miss Vietnam Dang Thi Le Hang, Miss Indonesia Kezia Roslin Warouw at Miss Myanmar Htet Htet Htun. Siyempre kasama din ang Philippine candidate na si Maxine Medina na hindi rin nagpahuli sa ganda at tindig on stage.
Siyempre, present din sa event ang magpapasa ng korona ng Miss Universe na si Pia Wurtzbach na talagang tinilian at sinigawan ng mga tagahanga. Napuno ng sigawang “Pia! Pia!” ang venue.
Ayon may Pia talagang pinush niya na dito sa bansa ganapin ang susunod na Miss U at talagang hiniling niya ito sa pre-sident na si Paula.
“It started with an idea and I asked Paula if during my interview, during homecoming that we would like to host the next Miss Universe competition here because who knows this might actually happen, and now here we are,” aniya.
Nagpasalamat din siya sa mga tumulong upang matuloy at ma-ging smooth ang preparations for the pageant, “You know I’m not quite ready to give up this sash yet I think I’m quite attached to it,” biro ng dalaga.
“Umpisa pa lang to guys, it’s only December so let’s keep the momentum going and finally welcome to the Miss Universe competition,” aniya pa.
Sa tanong kung ano ang plano niya pagkatapos ng kanyang reign bilang Miss Universe, “I do plan on going back to New York and finish a lot of my commitments, to pass my reign actually this January so I’ll be working closely with Miss Universe even after my reign.”