Sarah gaganap na Valentina sa ‘Darna’ ni Angel

KALAT na kalat na ang tsismis na magiging kontrabida ni Angel Locsin bilang Darna si Sarah Lahbati.

Gaganap umanong Valentina ang maganda at seksing misis ni Richard Guttierrez at wala raw itong keber kung kontrabida man ang role niya sa bagong movie version ng “Darna” under Star Cinema.

Ang tsika pa ng aming ka-Chismacker sa bakuran ng ABS-CBN, tapos na ang shortlist para sa role at shoo-in na nga si Sarah na this early ay nagpi-prepare na for her role.

Tanong ng ilang fans ni Sarah, nagbibigay na kaya ng tips si Richard sa kanyang asawa dahil minsan na ring naging leading lady niya si Angel? Isa ang “Darna” sa pinakaaabangang movie ngayong 2017.