Marami na palang lugar sa bansa at sa labas ang napuntahan nina Dennis Trillo at Jennylyn Mercado.
Siyempre pa, masayang-masaya ang kanilang fans lalo na’t ibinahagi ng dalawa ang romantiko nilang pictures.
Sa isang post sa Instagram na love na love ang DenJen, inisa-isa nito ang lugar na napuntahan na ng kanyang mga idolo.
Sa Pilipinas, nakalibot na sina Dennis at Jen sa Batanes, Batangas, Baler at Sierra Madre. Sa ibang bansa naman, nagsama na ang dalawa sa Maldives, Paris, France at dalawang beses sa Amsterdam, Netherlands noong 2015 at nitong nakaraang linggo lang.
Sa huli nilang biyahe, ang makalimot sa pagdadalamhati sa pagkamatay ng Mommy Lydia ni Jen ang isa sa pangunahing dahilan ng kanilang bakasyon. Larawan ng kaligayahan si Jen base sa pictures nila ni Dens.
So makakapagtrabaho na nang maayos si Jennylyn sa pagbabalik niya sa taping ng Superstar Duets. Kinuhang guest co host para sa dalawang episodes ng SD si Regine Velasquez.
Sa Dec. 17 ang last telecast ng SD kaya hindi na ito puwedeng tablahin ni Jen, huh!