Mga Laro Ngayon
(Smart Araneta Coliseum)
4:15 p.m. Mahindra vs GlobalPort
7 p.m. Alaska vs NLEX
APAT na iba pang koponan ang sasabak ngayon sa 2016-17 PBA Philippine Cup sa Smart Araneta Coliseum sa Cubao, Quezon City.
Unang sasalang ang Mahindra Flood Buster at Globalport Batang Pier sa unang laro dakong alas-4:15 ng hapon bago sundan ng sagupaan sa pagitan ng Alaska Aces at NLEX Road Warriors alas-7 ng gabi.
Ang Flood Buster, na dating kilala bilang Enforcers at patuloy na rerendahan ni playing coach Manny Pacquiao, ay pangungunahan nina LA Revilla, Alex Mallari, Ryan Araña, Mark Yee at Jason Ballesteros.
Susuportahan sila nina Michael Digregorio, Jason Deutchman, Dennice Villamor, Pedrito Galanza, Josan Nimes, Philip Paniamogan, Jeckster Apinan, Reden Celda, Franklin Bonifacio, Joseph Eriobu at Russel Escoto.
Pamumunuan naman ng matinding backcourt tandem nina Terrence Romeo at Stanley Pringle ang Batang Pier.
Sasandalan din ni Globalport head coach Johnedel Cardel sina JR Quiñahan, Nino Cañaleta, Mike Cortez, Mick Pennisi, Billy Mamaril, Rey Guevarra, Rico Maierhofer, Aaron Aban, Anthony Semerad, Karl Dehesa, Philip Paredes at Von Pessumal.
Sasandigan ni Alaska mentor Alex Compton sina Chris Banchero, Vic Manuel, Joachim Thoss, Calvin Abueva at Jayvee Casio para pamunuan ang kanyang koponan.
Makakatuwang nila sina Dondon Hontiveros, Tony dela Cruz, Noy Baclao, Chris Exciminiano, Rome dela Rosa, RJ Jazul, Kevin Racal, Marion Magat at Carl Bryan Cruz.
Makikilatis naman ang husay ni veteran head coach Joseller “Yeng” Guiao sa paggiya sa Road Warriors na pangungunahan nina Paul Asi Taulava, Sean Anthony, Kevin Alas, Carlo Lastimosa at Garvo Lanete.
Makakatulong naman nila sina Jonas Villanueva, Enrico Villanueva, Glenn Khobuntin, Marnel Baracael, Bradwyn Guinto, Eman Monfort at Alfonso Gotladera.