MAINE MENDOZA AT ALDEN RICHARDS
NAINTRIGA ang manonood ng GMA programs sa isang plug kung saan isang boses ng babae ang narinig na nagsabi ng, “Sarreh, okay, sorry!”
Pamilyar ang boses at linya na ‘yon, huh! So feeling ng nakapanood, malapit nang mapanood ang local adaptation ng well-loved Koreanovela na My Love From The Star.
Matagal nang nabinbin ang pagsasa-TV nito. Si Jennylyn Mercado ang unang nabalitang lalabas na bidang babae at si Alden Richards ang leading man niya.
Kaso bayolenteng reaksyon ang natanggap ng GMA mula sa fans lalo na’t mainit ang AlDub loveteam nang kumalat ang balita.
Biglang nabura si Alden sa proyekto at hindi na raw siya ang magiging partner ni Jen. Pero sa takbo ng mga eksena, mukhang nawalis na rin ang idea na si Jen pa rin ang bibida sa Pinoy version ng MLFTS.
Ang hula ng karamihan, sina Alden at Maine Mendoza na ang magbibida sa My Love From The Star. Ito raw ang magiging launching serye ng magka-loveteam sa 2017. Well, kakalat din naman ang balita kung silang dalawa na talaga ang napili ng GMA para sa local adaptation ng Korean series, huh!