HINDI namin matiyempuhan sa sinehan ang schedule ng pelikulang “Baka Bukas” ni Jasmine Curtis dahil laging natatapat sa oras ng deadlines namin.
Noong Sabado sana sa Gateway Mall namin panonoorin ito pero soldout naman dahil pagbukas palang daw ng mall ay mahaba na ang pila.
Mas lalo pa kaming na-curious sa pelikula dahil nanalo ngang best actress si Jasmine sa katatapos lang na Cinema One Originals Film Festival 2016 awards night noong Linggo sa Dolphy Theater ng ABS-CBN.
Sa Lesbian Gays Bisexual and Transgender community inialay ni Jasmine ang tinanggap na tropeo dahil nga sa tema ng kanilang entry.
“Mabuhay ang LGBT community! Kaisa n’yo ako whether or not I am,” bahagi ng acceptance speech ng dalaga.
Hindi inialay ni Jasmine ang tropeo sa boyfriend niyang si Jeff Ortega pero sinabihan naman niya ito ng, “I love you.”
Nakaungos naman sa mga kasamahan niya sa grupong Hashtag si Jameson Blake dahil siya ang tinanghal na Best Supporting Actor para sa “2 Cool 2 Be 4gotten” kung saan bida si Khalil Ramos.
Usapan nga ng mga nakapanood na ng “2 Cool 2 Be 4gotten”, kaya raw nanalo ang baguhang aktor ay dahil pumayag siyang gawin ang masturbation scene sa movie.
Narito ang listahan ng iba pang nagwagi sa C1 Originals Film Festival 2016: Best Actor, Rocky Salumbides (Lily); Best Supporting Actress, Natileigh Sitoy (Lily); People’s Choice Award, Baka Bukas; Best Sound, Baka Bukas (Andrew Millalos); Best Music, Tisay (Francis de Veyra); Best Editing, Lily; Best Production Design, Tisay (Michael Espanol); Best Cinematography, 2 Cool To Be 4gotten (Carlos Mauricio); Best Screenplay, Malinak Ya Labi (Jose Abdel Langit); Best Director, Keith Deligero (Lily); Best Picture, 2 Cool 2 Be 4gotten.
Ibinigay naman ang Champion Bughaw Award sa Tisay; Special Citation, People Power Bombshell: Diary of Vietnam Rose; at Special Jury Prize, Si Magdalola at ang Mga Gago.
Nagsilbing hosts sa Gabi ng Parangal sina Xian Lim at Coleen Garcia.