IBANG klase pa rin ang karisma ng Kapuso Primetime King na si Dingdong Dantes dahil sa pagpapakilig niya on-screen at off-screen.
Habang maraming umiidolo sa kanya dahil sa husay ng kanyang pagganap bilang Pepe sa Alyas Robin Hood, napukaw din niya ang puso ng kanyang followers dahil sa pag-post nito ng picture ng billboard ng asawang si Marian Rivera na nadaanan niya habang bumibiyahe.
Kalakip ng picture na iyon ang caption na, “Nakaka-good vibes naman ‘tong mukhang ito. Can someone introduce me to this model?”
Kahit mag-asawa na ay parang nagliligawan pa rin ang Kapuso royalties kaya naman marami ang kinilig at nainggit sa klase ng relasyon nilang dalawa kaya naman marami ang nagre-post ng nasabing IG photo ni Marian gamit ang hashtag na #RelationshipGoals.