JODI STA. MARIA
“HINDI ako gumamit ng illegal drugs!” Ito ang paglilinaw ni Jodi Sta. Maria tungkol sa lumabas na balitang minsan na rin siyang nakatikim ng droga noong makaranas siya ng matinding depresyon.
Ayon sa Kapamilya actress, hindi ilegal na droga and tinira n iya noon kundi prescription drugs, kinailangan daw niya ito matapos ma-depress nang bonggang-bongga dahil sa paghihiwalay nila ng mister niyang si Pampi Lacson.
“Next time, I have to be specific,” pahayag ni Jodi sa panayam ng ABS-CBN.
“Kasi people were thinking it was shabu, cocaine. I just said that I turned to drugs, but it was anti-anxiety drugs that I turned to during those moments,” paglilinaw pa ng aktres na umalis na ng bansa patungong New York, USA para sa 2016 International Emmy Awards.
Nominado si Jodi sa Emmys para sa seryeng Pangako Sa ‘Yo ng ABS-CBN kung saan gumanap siya bilang Amor Powers. Makakalaban niya rito ang veteran Hollywood actress na si Judi Dench.
Dagdag pa ng aktres, “Iyong story na pinagdaanan ko sa buhay ko, I’m praying that it brings strength and inspiration and hope to people na dumadaan doon sa pinagdaanan ko. And it’s really with God’s grace na nandidito ako ngayon kung nasan ako sa buhay ko.”
Kung matatandaan, nakapanayam ng Cebu Daily News si Jodi kung saan sinabi nga nito na, “Before becoming a workaholic, I became an alcoholic. I drank day and night. I even drank during tapings, ang gusto ko kasi masolusyunan yung feeling ko of pain and emptiness.
“When alcohol wasn’t enough, I turned to drugs. I felt empty. I pretended to be okay when the truth is hindi naman talaga. I was in and out of bad relationships that left me all the more wounded and broken.”
Tungkol naman sa nominasyon niya sa International Emmys, “We’re only hoping for the best, there’s a reason naman kung bakit nasama tayo sa isa sa mga nominado. So let’s just pray na makuha natin yung trophy.”
Looking forward din ang aktres na makapagpa-selfie kay Judi Dench.