TAWA kami nang tawa sa text reply sa amin ni Derrick Monasterio na tila parang nagsisisi pa kung bakit naging prominent pa ang kanyang “bukol” sa suot niyang costume sa fantasy series na Tsuperhero na magsisimula na ngayong araw sa GMA 7.
Tinutukso kasi siyang “gifted” child pagdating sa usapin ng sukat ng pagkalalaki. Ha-hahaha!
“Ano ba ang magagawa ko Kuya Ambet? Ganu’n talaga, eh. Nakatago na nga yun at sa totoo lang yun na yung most comfortable fit for me,” sagot nito sa amin.
“Masasanay ka rin. Ang pagtakhan mo kung sa mga susunod na pagsuot mo ng costume ay wala na silang maaninag,” ang ganting-biro namin sa kanya.
Ngayong Linggo na nga magsisimulang umarangkada ang pinakabagong Pinoy superhero comedy adventure na Tsuperhero, kung saan bibida din si Bea Binene.
Welcome break ito para sa dalawang Kapuso youngstars dahil napakabigat nga ng huling serye nilang Hanggang Makita Kang Muli. Ang Tsuperhero ay mula sa original concept ni Michael V kung saan makakasama rin sina Gabby Concepcion, Alma Moreno, Betong Sumaya, Philip Lazaro, Miggs Cuaderno, Valentin, Annalyn Barro, Jemwell Ventenilla at Kuhol.