Karylle balik-concert stage sa ‘A Different Playground’
PANOORIN ang highly-anticipated na second leg ng matagumpay na concert series ni Karylle na pinamagatang “A Different Playground” sa Teatrino in Promenade, Greenhills sa Nob. 11, 8 p.m..
Hango sa pamagat ng kanyang current full-length studio album sa ilalim ng Polyeast Records, ang “A Different Playground” ay isang musical spectacle kung saan ipamamalas ni Karylle ang kanyang talento bilang isa sa pinakamahuhusay na mang-aawit at songwriter sa industriya ngayon.
Maaaring abangan ng mga fans at music aficionados ang isang gabi ng di malilimutang musika kasama si Karylle habang live na live niyang aawitin ang mga chart-topping at iconic OPM songs, pati na rin ang isang sampling ng mga homegrown favorites, party anthems, at standard favorites at kasama na rin ang kanyang mga multi-platinum hits, isa na dito ang kanyang latest single na “Balik Tanaw”.
Special guests ni Karylle sa show sina R&B King JayR, Tatay Antonio na unang sumikat sa Tawag Ng Tanghalan ng Showtime, Robin Nievera at ang kanyang asawang si Yael Yuzon ng Sponge Cola.
Suportado ng Gerry’s Grill, Polyeast Records, Belo Medical Group, Sta. Elena Construction at AD Venue ang “A Different Playground”. For inquiries, tawag lang kayo sa Teatrino, 721-2949 and/or 722-4501 local 116.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.