NGAYONG Sabado, dadalaw ang mag-asawang Aiza Seguerra at Liza Dino sa bahay ni Asia’s Songbird Regine Velasquez.
Isang umagang puno ng kwentuhan, kainan at kantahan mula kina Aiza at Regine ang magaganap sa favorite cooking show ninyo with a big twist, ang Sarap Diva, kaya iyan ang dapat ninyong abangan this morning.
May masarap na ihahain si Songbird sa kusina para sa isang masarap na pananghalian na maaari n’yong lutuin sa inyong kusina. May ise-share rin sina Aiza at Liza sa mga manonood na tiyak na makaka-inspire sa mga miyembro ng LGBT community, lalo na sa mga nagiging biktima pa rin ng diskriminasyon.
In fairness, grabe rin ang ibinibigay na panahon at effort ng mag-asawa sa pagtulong sa LGBT at sa mga government agencies na pinamumunuan nila ngayon.
Abangan ang masayang kantahan, kainan at kwentuhan sa Sarap Diva, ngayong Sabado ng umaga pagkatapos ng Maynila sa GMA 7 lang.