‘Bato’ bilang Frankenstein nanakot sa mga bisita sa Camp Crame

AGAW-PANSIN ang bersyon ni Philippine National Police (PNP) chief Director General Ronald “Bato” dela Rosa bilang Frankenstein na sumasalubong sa mga bisita na nagtutungo sa himpilan ng Pambansang Pulisya sa Camp Crame sa Quezon City.

Isang standee ni dela Rosa na kamukha ni Frankenstein, na kulay berdeng halimaw, ang siyang sasalubong sa mga pamilya at mga mga anak ng mga unipormadong pulis sa multipurpose center sa PNP para sa Halloween Party.

Nag-host ang PNP ng Trick or Treat program para sa mga anak ng mga mga piyembro ng PNP, na dumating na nakasuot din ng costume para sa Halloween.

Sinabi ng Police Community Relations Group (PCRG) na isang  memorandum ang inilabas na humihikayat sa mga unit na nakabase sa Crame na maglagay ng dekorasyon para sa Holloween.