IPINAGPATULOY ng mga nagdedepensang kampeong Centro Escolar University, Chiang Kai Shek College at Miriam College ang kani-kanilang winning streak nitong weekend para maangkin ang top spot papasok sa semifinal round ng 47th WNCAA basketball tournament.
Tinambakan ng five-time senior basketball champion CEU ang St. Scholastica’s College, 102-19, para makumpleto ang six-game sweep at makakuha ng twice-to beat advantage kontra No. 4 University of Asia & the Pacific sa Final Four. Sa isa pang semifinal duel ay magsasagupa ang No. 2 Philippine Women’s University at No. 3 San Beda College Alabang.
Sa juniors, binigo ng CKSC ang host St. Jude Catholic School, 101-32, para manatiling walang talo. Makakatapat nito sa semis ang La Salle College Antipolo habang magsasagupa naman ng De La Salle Zobel at Angelicum College.
Sa midgets naman ay pakay ng De La Salle Zobel na masungkit ang ikaanim sa diretsong kampeonato sa pagsagupa nito kontra St. Paul College Pasig.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.