PAL ipinatupad ang total ban ng Samsung Galaxy Note 7

IPINATUPAD ng Philippine Airlines (PAL) ang total ban sa pagdadala ng Samsung Galaxy Note 7 sa harap naman ng ulat ng sunod-sunod na pagsasabog ng nasabing unit.

Sa isang pahayag, sinabi ng PAL na mismong ang Civil Aviation Authority of the Philippines (CAAP) ang nagpalabas ng Memorandum Circular no. 34-16 kaugnay ng pagbabawal sa pagdadala ng Samsung Galaxy note 7.
“If a passenger is in possession of a Samsung Note 7 prior to boarding an aircraft, the airline will deny boarding until the device is removed from his/her person, carry-on or checked baggage,” sabi ng PAL sa isang kalatas.